Sara Dögg Svanhildardóttir leiðir lista Viðreisnar í Garðabæ

Tillaga uppstillinganefndar um lista Viðreisnar í Garðabæ fyrir sveitarstjórnarkosningarnar þann 14. maí nk. var samþykkt á fjölmennum félagsfundi í gærkvöldi. Þetta er í fyrsta sinn sem Viðreisn í Garðabæ býður fram til sveitarstjórnarkosninga og mikill áhugi var að starfa með listanum. Niðurstaðan er sterkur listi öflugra einstaklinga sem mun starfa að heilum hug fyrir íbúa Garðabæjar.

„Það birtir svo sannarlega til í Garðabænum. Viðreisn sækir fram með gríðarlega öflugt og framsækið fólk sem vill tryggja sanngjarnara samfélag í Garðabæ. Með frjálslyndið að leiðarljósi mun Viðreisn í Garðabæ leggja sterka áherslu á fjölskylduvænt, umhverfisvænt og fjölbreytt samfélag þar sem Garðbæingar, á öllum aldri fá notið sín. Í öllum hverfum sveitarfélagsins eigum við að tryggja góða leik- og grunnskóla, gott aðgengi að íþrótta- og tómstundastarf og almenningssamgöngur. Við munum líka leggja áherslu á 15 mínútna hverfaskipulag, þar sem mannlíf með atvinnutengdri þjónustu blómstrar,” segir Sara Dögg, nýr oddviti Viðreisnar í Garðabæ.

Listi Viðreisnar í Garðabæ:

  1. Sara Dögg Svanhildardóttir, bæjarfulltrúi
  2. Guðlaugur Kristmundsson, markaðsstjóri
  3. Rakel Steinberg Sölvadóttir, frumkvöðull
  4. Árni Björn Kristjánsson, aðstoðarmaður fasteignasala
  5. Ásta Sigríður Guðjónsdóttir, verkefnastjóri stafrænna miðla
  6. Arnar Hólm Einarsson, fræðslustjóri rafíþróttasambands Íslands
  7. Ásta Leonhards, viðskiptafræðingur
  8. Benedikt D Valdez Stefánsson, hugvirki
  9. Tinna Borg Arnfinnsdóttir, viðskiptafræðingur
  10. Ólafur G. Skúlason, skurðhjúkrunarfræðingur
  11. Tamar Lipka Þormarsdóttir, lögfræðingur
  12. Svanur Þorvaldsson, ráðgjafi
  13. Heiðrún Sigurðardóttir, viðskiptafræðingur
  14. Gunnar Júlíusson, grafískur hönnuður
  15. Dagný Fjóla Ómarsdóttir, ferðamála- og alþjóðaviðskiptafræðingur
  16. Jón Bjarni Steinsson, veitingamaður
  17. Dagný Sigurbjörg Jónsdóttir, lyfjafræðingur
  18. Eyþór Eðvarðsson, stjórnendaráðgjafi
  19. Margrét Rósa Kristjánsdóttir, lyfjafræðingur
  20. Ólafur Örn Ólafsson, veitingamaður
  21. Jenný Guðrún Jónsdóttir, framkvæmdastjóri
  22. Thomas Möller, verkfræðingur.