Viðreisn

Hanna Katrín kjörin formaður þingflokks

06.12.16
Höfundur: Viðreisn

Hanna Katrín Friðriksson, þingmaður Reykjavíkurkjördæmis suður, hefur verið kjörin þingflokksformaður Viðreisnar.

Hanna Katrín er fædd í París árið 1964, en ólst upp í Reykjavík. Hún er með MBA gráðu í stefnumótun og breytingastjórnun frá Graduate School of Management, University of California og með BA gráðu í heimspeki og hagfræði frá HÍ.

Áður en Hanna Katrín hóf stjórnmálaafskipti með Viðreisn var hún framkvæmdastjóri heilbrigðissviðs Icepharma. Hún hefur gegnt ýmsum stjórnunarstörfum undanfarna áratugi, meðal annars hjá Eimskip og Háskólanum í Reykjavík. Þá var hún aðstoðarmaður heilbrigðisráðherra á árabilinu 2007-2009.

Hanna Katrín hefur að auki gegnt fjölda trúnaðarstarfa, meðal annars fyrir íþróttahreyfinguna og menntamálaráðuneytið.

Maki Hönnu Katrínar er Ragnhildur Sverrisdóttir, upplýsingafulltrúi Novator. Dætur þeirra eru Elísabet og Margrét, fæddar árið 2001.

Fleiri greinar