Viðreisn

Viðreisn ræður framkvæmdastjóra

Birna Þórarinsdóttir hefur verið ráðin framkvæmdastjóri Viðreisnar frá og með 1. ágúst næstkomandi.
12.07.16
Höfundur: Viðreisn

Birna er 36 ára gömul og hefur margháttaða reynslu af stjórnunar- og félagsstörfum. Hún var nú síðast verkefnastjóri atvinnulífstengsla hjá Háskólanum í Reykjavík, en áður var hún meðal annars framkvæmdastýra Evrópustofu, upplýsingamiðstöðvar ESB á Íslandi, yfirmaður skrifstofu UNIFEM (nú UN Women) á vegum Sameinuðu þjóðanna í Serbíu og framkvæmdastýra landsnefndar UNIFEM á Íslandi. Hún hefur kennt alþjóða- og öryggismál við bæði Háskóla Íslands og háskólann á Bifröst.

Birna hefur verið virk í félagslífi. Hún var t.d. formaður stjórnar Samtaka um kvennaathvarf og situr sem sérfræðingur í samráðshópi á vegum utanríkisráðuneytisins um framkvæmd ályktunar öryggisráðs Sameinuðu þjóðanna nr. 1325 um konur, frið og öryggi.

Birna er með MBA frá Háskólanum í Reykjavík, M.A. í öryggismálafræði frá Georgetown University og B.A. gráðu í stjórnmálafræði frá Háskóla Íslands.

Birna mun í störfum sínum hjá Viðreisn sinna daglegum rekstri flokksins og gegna lykilhlutverki í kosningabaráttunni sem er framundan.

Fleiri greinar