Kæru félagsmenn í Norðvesturráði Viðreisnar

Skjótt skipast veður í lofti. Vegna tilkynningar forsætisráðherra um að óska eftir þingrofi og stefna að kosningum 30. nóvember þá þurfum við hafa hraðar hendur á við að skipa á lista fyrir komandi kosningar.

Fundurinn verður haldinn fimmtudaginn 17. október kl. 20:00 og verður rafrænn.

Stjórn Viðreisnar samþykkti í dag að breyta frestum samkvæmt samþykktum okkar til að auðvelda okkur þessa ákvörðun. Við munum því á fundi okkar taka ákvörðun um hvort við stefnum að prófkjöri eða uppstillingu og ákveða hveru mörg sæti verður kosið um ef við veljum prófkjör.

Einnig þurfum við á fundinum að kjósa uppstillinganefnd og ef þarf, kjörstjórn. Við óskum því eftir framboðum í þessar tvær nefndir (ef þarf), sem manna skal af þremur einstaklingum hvor. Ef þú vilt vera með, þá skaltu senda póst á nordvestur@vidreisn.is og láta okkur vita.

Ef ekki berast næg framboð fyrir aðalfundinn, né á fundinum sjálfum mun ný stjórn óska eftir heimild til að skipa þá einstaklinga sem þarf í uppstillinganefnd og ef þarf, í kjörstjórn.