Fyrsti fundurinn er þriðjudaginn 10. febrúar og þar tökum við fyrir skipulags- og samgöngumál. Við fáum góða gesti til að opna umræðuna, en svo er orðið laust. Tússtaflan góða verður á svæðinu og við viljum heyra þínar hugmyndir fyrir komandi kosningar!

Gestir kvöldsins verða:
– Sigurjón Ingvason, fulltrúi Viðreisnar í skipulags- og byggingarráði: Vönduð vinnubrögð í skipulagsmálum og sóun.
– Hilmar Freyr Gunnarsson, húsasmíðameistari og byggingatæknifræðingur: Að byggja sér hús í Hafnarfirði – hvað má gera betur?
– Borghildur Sverrisdóttir, arkitekt: Hugleiðingar Hafnfirðings um þróun bæjarins.
– Lilja G. Karlsdóttir, samgönguverkfræðingur og skipulagsráðgjafi: Samgöngumál í Hafnarfirði til framtíðar.

Allir Hafnfirðingar eru hvattir til að mæta, taka þátt í spjallinu og hafa áhrif á áherslur okkar.

Staðsetning: Salur Kiwanis, Helluhrauni 22
Tími: Þriðjudaginn 10. febrúar kl. 20:00

(Ath. fundirnir verða alls fimm talsins, alltaf á þriðjudögum kl. 20. Næstu efni eru skólamál, velferðarmál, umhverfismál og stjórnsýsla).