Það þarf að draga úr miðstýringu í landbúnaði og auka frelsi, bæði neytendum og bændum til hagsbóta. Það þarf að losa um krafta nýsköpunar og auka fjölbreytni í landbúnaði. Það þarf að endurskoða styrkjakerfi landbúnaðarins til að efla hag bænda og gera greinina sjálfbærari.
Bændur eiga að fá frelsi til að vinna og markaðssetja afurðir sínar sjálfir og stuðla að innri samkeppni í greininni. Gera þarf eftirlit innan matvælaframleiðslu skilvirkari í því skyni að styðja við aukna dýravelferð, styðja við frelsi matvælaframleiðenda, styðja við frumkvöðlastarf innan matvælaframleiðslu og nýsköpun ásamt því að sinna lögbundnu eftirliti. Tryggja þarf að upptaka evrópskrar matvælalöggjafar gangi ekki lengra hér en innan ESB.
Lækkun tollahindrana skapar tækifæri fyrir landbúnaðinn.
