Ein mesta öryggisógn sem okkur stafar af er skipulögð brotastarfsemi.
Glæpir og morðmál eru tíðari en verið hefur. Fjöldi útkalla þar sem sérsveit hefur þurft að vopnast vegna skotvopna hefur næstum þrefaldast frá árinu 2016 og nánast fjórfaldast vegna hnífa.
Greiningardeild ríkislögreglustjóra telur að á Íslandi séu nokkur hundruð einstaklingar sem tengjast skipulagðri brotastarfsemi. Talið er að á Íslandi starfi 8-12 skipulagðir glæpahópar. Skipulag þessara hópa er mun agaðra en áður hefur þekkst og hættan af þeim mun meiri.
Netsvik eru framin þvert á landamæri og mikilvægt að Ísland sé ekki veikur hlekkur í keðjunni. Árásir á fólk, fyrirtæki og stofnanir Íslands hafa aukist mikið.
Gerendur finna í auknum mæli þolendur kynferðisofbeldis í gegnum netið og brjóta jafnvel á börnum á þeim vettvangi. Sérstök áhersla verður lögð á áframhaldandi alþjóðlegt samstarf gegn barnaníði. Setja þarf þessi mál í forgang og styrkja verður getu lögreglu til að rannsaka slíka glæpi.
Tryggja þarf að lögregla geti sinnt afbrotum eins og innbrot á heimili og líkamsárásir. Slík afbrot eru skilgreind sem smáglæpir en afleiðingar slíkra brota hafa oft mjög alvarleg og langvarandi áhrif á andlega heilsu fólks með alvarlegum afleiðingum.
Viðreisn vill tryggja að stefna stjórnvalda sé að koma í veg fyrir afbrot. Til þess forvarnir og til þess samfélagslögreglu og að lögregla hafi burði til að sinna stórum sakamálarannsóknum án þess að það komi niður á öðrum störfum lögreglu.
Fangelsi landsins eiga að hafa raunveruleg tækifæri til að betra menn, með kennslu, meðferðarúrræðum þar sem það á við. Við höfum ítrekað vakið athygli á að réttarkerfið hefur verið vanrækt í tíð þessarar ríkisstjórnar. Breytum þessu.
Viðreisn ætlar að
