Haustþing er stöðuþing, sem halda skal annað hvert ár, þau ár sem landsþing er ekki haldið.

Til að geta kosið eða hafa tillögurétt, þarf að vera félagi í Viðreisn sem hefur skráð sig hafa í flokkinn a.m.k. viku fyrir haustsþing og hefur skráð sig til setu á haustþingi með fullnægjandi hætti. Síðasti séns til að skrá sig í Viðreisn til að taka fullan þátt á haustþinginu er  því kl. 23.59, föstudaginn 20. september 2024.

Miðaverð á þingið er 5.000 kr. Það er afsláttargjald fyrir ungliða í Uppreisn (35 ára og yngri) og greiða þeir 3.500 kr með því að setja inn afsláttarkóðann UPPREISN

Þinggestir sem koma utan að landi fá ferðastyrk vegna skráningar.

Gestir sem ferðast 110-400 km geta fengið þingkomustyrk upp á 7.000 kr.


Gestir sem ferðast 400 km. eða meira fá þingkomustyrk upp á 15.000 kr.

Til að óska eftir þingkomustyrknum eru gestir beðnir um að senda póst á vidreisn@vidreisn.is með afrit af kvittun fyrir bensíni eða flugmiða.

Ekki er kosið í embætti á stöðuþingi. En hafir þú áhuga á embætti verður landsþing á næsta ári.

Það er gaman að koma á haustsþing, hitta fólk og ræða pólitík.


Það verða skemmtilegar ræður og umræður í pallborði til að hlusta á og næra andann. En haustþing er líka tækifæri fyrir alla flokksmenn að koma og ræða málefnin. Það verður almennt spjall um stjórnmálin yfir kaffibolla strax og húsið opnar kl. 11.30. Þú getur svo valið þér borð til að ræða þau málefni sem helst brenna á þér í hringborðsumræðum. Og áður en við klárum að ræða og samþykkja stjórnmálaályktun verður opið samtal flokksmanna við þingmenn Viðreisnar.


Stjórnmálaályktun verður kynnt í upphafi fundar og verður aðgengileg fundargestum. Hægt verður að leggja fram tillögur að breytingum á stjórnmálaályktun. Þær breytingar þurfa að berast skriflega á netfangið vidreisn@vidreisn.is, þar sem skýrt kemur fram hver leggur til breytinguna og hverju er lagt til að breyta. Breytingartillögur verða teknar til umræðu og afgreiðslu undir liðnum "Stjórnmálaályktun".

Það vantar alltaf gott fólk og fleiri hendur.


Ef þú vilt vera sjálfboðaliði á landsþinginu, þá geturðu þú skráð þig hér.


Á haustþing þarf fólk til að vera í skráningu og taka á móti þinggestum. Það þarf fólk í kaffinefnd. Það þarf fólk til að hjálpa við að raða borðum og gera salinn klárann. Það þarf borðstjóra til að stýra umræðum og ritara til að skrá niður helstu niðurstöður. Ef þú heldur að þú getir hjálpað til við eitthvað af þessum verkefnum, þá yrðum við glöð að heyra frá þér.

Fyrir utan almenna gleði á haustþinginu, verður að sjálfsögðu gleði.


Þegar þingi hefur verið slitið, verður boðið upp á léttar veitingar.

Haustþingið er haldið í Hlégarði í Mosfellsbæ. Aðgengi þar er gott fyrir alla.


Þau sem koma akandi geta fylgt þessum leiðbeiningum á google maps


Strætó nr. 7 og 15 stoppa fyrir utan Hlégarð. Þar er hægt að skipuleggja ferðina þangað hér.