Ég býð mig fram því erindi Viðreisnar um frjálslyndi, víðsýni og efnahagslegan stöðugleika er mikilvægara en nokkru sinni fyrr. Enn og aftur er almenningur, lítil og meðalstór fyrirtæki minnt á fórnarkostnaðinn sem fylgir því að halda úti örmynt. Við getum gert breytingar á samfélaginu þannig að það verði frjálsara og opnara. Samhentara og sterkara. Til þess þarf kjark og skýra sýn. Viðreisn hefur bæði og það væri mér sannur heiður að leiða okkur áfram inn í framtíðina. Því nú er rétti tíminn.

Ég býð mig hér með fram í embætti varaformanns Viðreisnar

Ástæða þess að ég bíð mig fram er að ég vil halda áfram því starfi að efla innra starf flokksins. Í haust hafði málefnaráð forustu um tilraun með nýja nálgun að málefnastarfinu með s.k. sprettum. Þeir hafa tekist frábærlega. Ég óska eftir tækifæri vinna áfram að því að efla innra starf flokksins, hjálpa okkur að stækka hann og ná betur til kjósenda. Endurnýja þann eldmóð sem einkenndi flokkinn á fyrstu árum hans.

Viðreisn var stofnuð sem málsvari hugsjóna um betra Ísland, frjálslyndi, efnahagslegan stöðugleika og tækifæri fyrir alla. Ísland sem er virkur þátttakandi í samstarfi lýðræðisþjóða. Þar sem almannahagsmunir ganga framar sérhagsmunum. Leiðirnar sem Viðreisn vill fara hafa einnig verið skýrar. Full aðild að Evrópusambandinu, ekki sú aukaaðild sem EES samningurinn tryggir okkur. Endurskoðun óréttlátra kerfa. Aðhald í ríkisrekstri. Áherslu á einkaframtak. Áherslur um jöfn tækifæri fyrir alla.

Ég tel að lykillinn að árangri sé að virkja betur þann mikla mannauð sem stendur að baki Viðreisn, stækka þann hóp og ná þannig að miðla betur hvers vegna Viðreisn er augljóst fyrsta val fyrir alla Íslendinga.

Kæru vinir,

Ég hef ákveðið að gefa kost á mér til varaformennsku í Viðreisn á landsþingi.

Ég gef kost á mér því ég trúi að fjölbreytt forysta fyrir flokkinn sé það sem við þurfum á að halda til að byggja okkur upp fyrir næstu kosningar.

Ég vil leggja áherslu á breiðari málefnaáherslur flokksins. Viðreisn er og mun alltaf vera Evrópuflokkur en við þurfum að horfast í augu við það að við erum ekki að fara klára aðild að ESB fyrr en í fyrsta lagi eftir 10 ár. Viðreisn þarf að hafa svar við því hvernig við ætlum að bæta líf fólks í dag en ekki bara eftir 10 ár.

Ég vil virkja þann mannauð sem er innan flokksins og bjóða upp á ferskan valkost í næstu kosningum þar sem forysta flokksins verður öflug blanda nýs fólks og góðra reynslubolta.

Ríkisstjórnin býður bara upp á skammtímalausnir og ýtir vandamálum ríkissjóðs yfir á næstu ríkisstjórnir og komandi kynslóðir. Núna er rétti tíminn til að hefa baráttuna fyrir frjálslyndara Íslandi og þar spilar Viðreisn lykilhlutverk. Ég gef kost á mér til að vera hluti af teyminu sem sem tryggir frjálslynda framtíð á Íslandi.

Kæru vinir ég óska eftir ykkar stuðningi í embætti varaformanns Viðreisnar núna um helgina.

Hlakka til að sjá ykkur.

Ég býð mig fram til embættis ritara Viðreisnar.

Hugsunin á bak við embættið er að efla innra starf flokksins okkar. Þótt margt sé vel gert hjá okkur í starfinu er alltaf hægt að gera betur. Reyndar er það eilífðarverkefni að efla innra starf í stjórnmálaflokki og sú vinna þarf því að vera virk á öllum tímum.

Ég vil gjarnan leggja mitt af mörkum til að stækka Viðreisn, efla grasrótina og breikka forystuna. Það þarf að gerast með meira samtali á milli flokksmanna, félaga innan flokksins og svæða. Ég hef tekið eftir því að það vantar ekki hugmyndirnar, heldur miklu fremur að koma þeim í farveg og til framkvæmda. Það hlýtur svo að vera sérstakt kappsmál hjá okkur að efla flokkinn utan höfuðborgarsvæðisins. Það er hlutverk ritara sem mætti allt eins kalla stækkunarstjóra að leiða þessa vinnu og umfram allt að virkja flokksmenn og þann kraft sem í þeim býr til að rödd Viðreisnar heyrist sem víðast.

Ég hef óbilandi trú á að það séu mikil tækifæri til staðar í íslensku samfélagi fyrir frjálslyndan flokk eins og okkar. Ekki síst núna þegar fjölskyldur og fyrirtæki finna illa fyrir því að það er ekki heppilegt að vera á myntsvæði sem telur jafn margt fólk og býr í borginni Wuppertal í Þýskalandi.

Ég hef ákveðið að gefa kost á mér til áframhaldandi stjórnarsetu í stjórn Viðreisnar.

Ég hef setið í stjórninni síðan haustið 2020. Megnið af þeim tíma einkenndist af Covid sem var hjá okkur eins og öðrum gríðarleg áskorun. Hægt og bítandi höfum við verið að vinna okkur í átt til betra horfs og vil ég að við leggjum enn meiri áherslu á að virkja sem flesta til þátttöku.

Ég gekk til liðs við Viðreisn 2018 og hef verið virkur þátttakandi í starfinu okkar síðan þá.

Ég tók þátt í því að koma Viðreisn í Mosfellsbæ á laggirnar. Ég sá um kosningastjórn í sveitarstjórnarkosningunum 2018 og var formaður Viðreisnar í Mosfellsbæ 2018-2022. Í Mosfellsbæ hef ég setið fyrir hönd Viðreisnar í  menningar- og nýsköpunarnefnd 2018-2019 og frá 2019 í fræðslunefnd. Frá þingkosningum 2021 hef ég svo verið varaþingmaður okkar í Suðvesturkjördæmi.

Mér þykir ómetanlegt að taka þátt í starfi Viðreisnar og er þakklát fyrir að tilheyra stórum hópi fólks sem er lausnarmiðað, velur almannahagsmuni fram yfir sérhagsmuni, eru framsækin en ekki föst í gamaldags pólitík og þora að gera breytingar til þess að bæta þann heim sem við lifum í.

Ég er 34 ára, á tvö börn og bý með manninum mínum í Mosfellsbæ. Ég er rekstrarverkfræðingur með MSc frá Háskólanum í Reykjavík og starfa hjá Isavia ANS sem verkefnastjóri. Ég hef alltaf verið virkur þátttakandi félagsstarfi og hef setið í stjórnum flestra foreldrafélaga og starfsmannafélaga sem hafa orðið á vegi mínum. Ég er stolt af því að hafa tekið þátt í að að stofna ungliðahreyfinguna FKA Framtíð sem er deild innan Félags kvenna í atvinnulífinu. Þar sat ég í stjórn í 3 ár, þar af 1 sem formaður.

Nú er rétti tíminn fyrir Viðreisn! Okkar áherslur hafa aldrei átt betur við. Aukum frelsi, losum okkur við gjaldmiðilinn sem heldur okkur niðri, höldum áfram í viðræður við Evrópusambandið, látum kerfin vinna með fólki en ekki á móti því.

Ég vil leggja mitt af mörkum til þess að Viðreisn vaxi og dafni og tel mig get styrkt starfið með því að koma að borðinu með reynslu, dugnað og ástríðu fyrir skipulagi!

Leiðir okkar Viðreisnar hafa legið saman allt frá upphafi. Ég var svo heppinn að vera í góðum hópi fólks sem fann rétta tímann til þess að stofna Viðreisn og hef síðan tekið þátt í mótun og starfi flokksins á mörgum sviðum.

Hef tvívegis náð kjöri til Alþingis og setið þar í fimm ár. Á þingi hef ég lagt fram frumvörp og tillögur sem sum hver hafa náð fram að ganga.  Þá hef tekið þátt í stefnumótun, komið að samningu samþykkta, setið í laganefnd flokksins, setið í fyrstu stjórn hans, tekið þátt í að afla honum og framboðum fjár, tekið þátt í uppstillingu á lista, tekið þátt í kosningabaráttu flokksins fyrir alþingis- og sveitarstjórnarkosningar, - og já, það er víst á mína ábyrgð að Viðreisn heitir Viðreisn.

Það sem að framan er rakið sýnir að mér er ekki sama um Viðreisn og hef reynt eftir mætti að leggja gott til mála og stuðla að vexti og velgengni flokksins og það vil ég gera áfram.

Fyrir okkur í Viðreisn er mikilvægt að missa ekki sjónar á grunnstefnunni sem er okkar veganesti og leiðarljós.

Enn sem fyrr er ég sannfærður um mikilvægi og þýðingu Viðreisnar fyrir íslensk stjórnmál og almenning í landinu.

Ég gef kost á mér til stjórnarsetu í Viðreisn.

Ég er sem stendur í Reykjavíkurráði og vil taka þátt í að efla innra markaðsstarf flokksins svo það verði skilvirkara og skilaboð okkar nái alla leið til kjósenda.

Verði ég kosin í stjórn mun ég leggja áherslu á að umhverfis- og loftslagsmálin gleymist ekki, að allt sem við gerum taki mið af því að skapa loftslagsvæna framtíð.

Ég útskrifaðist með tvær meistaragráður frá SciencesPo Paris árið 2014 (International Energy & Journalism). Á meðan á námi mínu stóð bjó ég í þremur heimsálfum og er mikill talsmaður þess að bera virðingu fyrir mismunandi menningarheimum. Undanfarin ár hef ég unnið við markaðssetningu sem miðar að því að auka útflutning á endurnýjanlegri orkuþekkingu og grænum lausnum frá Íslandi.

Kæru félagar,

Natan heiti ég og hef ákveðið að gefa kost á mér til setu í stjórn Viðreisnar.

Ég er 29 ára Tálknfirðingur og starfa sem ráðgjafi. Ég er búinn að vera í Viðreisn síðan 2019 og á þeim tíma starfað sem formaður Viðreisnar í Reykjavík og sem ritari Uppreisnar.

Ástæða þess að ég gef kost á mér í stjórn er sú að ég vill leggja mitt að mörkum við það að gera Viðreisn sýnilegri. Ég vill færa flokkinn nær fólkinu og gera okkur opnari. Fari um landið og hitti fólk ekki bara í Reykjavík og Hafnarfirði heldur á Tálknafirði og Höfn í Hornafirði. Þar eru vaxtatækifæri okkar sem flokks að fara til landsbyggða Íslands og ræða við kjósendur á þeirra heimavelli.

Viðreisn er Evrópuflokkur og er það ein helsta ástæðan fyrir því að ég gekk til liðs við flokkinn. Evrópusambandið er samt ekki það eina sem við erum og allar umræður okkar geta ekki verið um það. Til þess að ná eyrum kjósenda getum við ekki bara talað um stefnu okkar í því hvernig líf almennings batnar eftir 10 ár þegar aðild er í höfn, heldur verðum við að segja frá því hvernig við ætlum að bæta líf almennings í dag.

Kæru félagar ég óska eftir ykkar stuðningi til að taka sæti í stjórn Viðreisnar og hefjast handa við að opna upp flokkinn fyrir kjósendur um allt land.

Ég býð mig fram til stjórnarsetu í Viðreisn

Ég var með í hópnum sem stofnaði Viðreisn. Ég mun leggja áherslu á  öfluga þátttöku Viðreisnarfólks í grasrótarstarfi og efla útbreiðslu stefnu og sérstöðu Viðreisnar.

Verði ég kosinn, mun ég leggja sérstaka áherslu á mikilvægi málefna atvinnulífsins og að umgjörð, rekstrarskilyrði og samkeppnisstaða atvinnulífs á Íslandi verði með því besta sem gerist.

Ég útskrifaðist með MBA gráðu frá Háskólanum í Reykjavík árið 2009 og hagverkfræði frá Tækniháskólanum í Berlín árið 1981. Ég er í leiðsögunámi og hef starfað sem rekstarráðgjafi og við rekstur eigin fyrirtækis í um 15 ár.

Konan mín er Bryndís Tómasdóttir, við eigum þrjú börn.