Hvernig stendur Ísland í netöryggismálum? Við ætlum að ræða það með Magna R. Sigurðssyni, einum helsta sérfræðingi landsins í net- og upplýsingaöryggismálum og forstöðumanni netöryggissveitarinnar CERT-IS, þriðjudaginn 4. nóvember kl. 20.00 að Suðurlandsbraut 22.

Við fáum reglulega fregnir af margþættum ógnum við öryggi og innviði á meginlandi Evrópu. Alræðisríki um heim allan kappkosta að grafa undan lýðræðislegum stofnunum og fánaberum mannréttinda, frelsis og réttarríkishugsjónarinnar. Hvaða áhrif hefur þetta síbreytilega öryggis- og upplýsingaumhverfi á daglegt líf Íslendinga?

Við munum ræða:

• Uppbyggingu og hlutverk CERT-IS í netöryggismálum á Íslandi, með áherslu á þjónustu við mikilvæga innviði, stjórnsýsluna og almenning.
• Mikilvægi innlends og alþjóðlegs samstarfs, ásamt því hvernig æfingar á borð við “Ísland Ótengt” efla viðbragðsgetu við alvarlegum netatvikum.
• Ógnaumhverfið í netheimum og hagnýt atriði sem nýtast til að styrkja öryggi í síbreytilegu umhverfi.

Fundarstjóri verður Bjarki Fjalar Guðjónsson, stjórnarmaður og meðlimur í málefnaráði Viðreisnar

Fjarfundur verður í boði hér: https://meet.google.com/fuh-tjgs-adj