Stjórn félagsins boðar hér með til félagsfundar þar sem tekin verður ákvörðun um hvernig framboðslisti Viðreisnar í Kópavogi fyrir komandi sveitarstjórnarkosningar verður ákveðinn.

Samkvæmt samþykktum félagsins er það í höndum félagsfundar að ákveða hvort beita skuli prófkjöri eða uppstillingu. Til þess þarf einfaldan meirihluta atkvæða fundarmanna.

Valkostir sem liggja fyrir:

· Prófkjör: Öllum félögum býðst að bjóða sig fram í ákveðin sæti. Kjörnefnd sér um framkvæmd og niðurstaðan endurspeglar beint vilja félagsmanna.

· Uppstilling: Félagsfundur kýs uppstillingarnefnd sem gerir tillögu að framboðslista sem síðan er borinn undir félagsfund til samþykktar.

Fundurinn verður haldinn:

8.október 2025, klukkan 19:30 í fundarsal Viðreisnar Suðurlandsbraut 22, 108 Reykjavík.

Við hvetjum alla félagsmenn til að mæta og taka þátt í þessari mikilvægu ákvörðun.

Sigmar Guðmundsson alþingsmaður verður sérstakur gestur okkar og fer yfir málefni líðandi stundar.

Bestu kveðjur,
Stjórn Viðreisnar í Kópavogi