Viðreisn 10 ára – komdu í afmæli

Fyrir áratug mættu rúmlega 400 manns í Silfurberg, Hörpu til að stofna nýjan stjórnmálaflokk.

Nú, tíu árum síðar ætlum við að fagna 10 ára afmæli Viðreisnar í Elliða, við Rafstöðvarveg, laugardaginn 30. maí kl. 18.00. Léttar veitingar verða á borðum. Verið Með velkomin að fagna áratug af baráttu fyrir almannahagsmunum framar sérhagsmunum, baráttu fyrir öruggri efnahagsstjórn, mannréttindum og alþjóðaþátttöku. Skráðu þig hér fyrir neðan, ef þú vilt koma.

Í ræðu sinni á stofnfundinum sagði Benedikt Jóhannesson:

“Við þurfum að byrja upp á nýtt. Kveðjum klækina og heilsum heiðarleikanum. Við erum liðsmenn almennings en ekki óvinir neinna. Við ætlum ekki að gefa eigur almennings eða selja þær undir markaðsverði. Í því felst réttlæti en engin óvild. … Maður sem er vanur íslenski pólitík spurði mig um daginn: Hvað getið þið boðið mér sem aðrir geta ekki boðið mér? Svar mitt var einfalt: Viðreisn er ekki flokkur sem snýst um að bjóða einhverjum einum eitthvað heldur ætlar Viðreisn að bæta hag allra.”

Almannahagsmunir framar sérhagsmunum er enn kjörorð Viðreisnar,  þau grunngildi sem flokkurinn byggir á og verða það áfram um ókomna tíð.