Kjósum

Kjósum

Kæri kjósandi í Hafnarfirði.

Ein af undirstöðum lýðræðisins er kosningarétturinn, að almenningur taki þátt í að velja sér fulltrúa sem tekur ákvarðanir sem hann varðar.

Það er ekki hægt að ítreka þetta nógu oft.

Í síðustu sveitastjórnarkosningum, árið 2018, var kosningaþáttaka í Hafnarfirði aðeins 58%. Þetta þýðir að næstum því helmingur bæjarbúa, eða 42%, kaus sér ekki rödd/fulltrúa í bæjarstjórn. Þetta finnst mér fyrst og fremst sorglegt og að öll eigum við, að mínu mati, að segja hvað okkur finnst með því að mæta og kjósa.

Ef þú, kæri kjósandi, ert óánægður með alla flokka þá skora ég á þig að mæta á kjörstað og skila auðu. En notaðu þennan rétt þinn, því hann er ekki sjálfsagður.

Ef þú getur ekki kosið á kjördag, laugardaginn 14, maí, er hægt að kjósa utankjörstaðar í Holtagörðum í Reykjavík, 2. hæð á milli kl 10-22 alla daga. Það tekur aðeins nokkrar mínútur að kynna sér málefni hvers flokks fyrir sig á heimasíðum þeirra og finna þann sem þú átt mestu samleiðina með.

Hér er t.d. hægt að kynna sér þann flokk sem að ég er í framboði fyrir.

En ég tek það skýrt fram, óháð hvern þú kýs, eða afhverju, mættu á kjörstað og láttu skoðun þína í ljós með því að setja X við þann sem þér þykir bestur.

Kjósum, kjósum, kjósum og náum kjörsókninni upp í nýjar hæðir og sýnum að okkur Hafnfirðingum er ekki sama hverjir koma til með að stjórna næstu 4 árin.

Greinin birtist fyrst í Fjarðarfréttum 11. maí 2022