17 jan Karólína nýr oddviti Viðreisnar í Hafnarfirði
Karólína Helga Símonardóttir var kjörinn oddviti Viðreisnar í Hafnarfirði í rafrænu prófkjöri sem fór fram í dag og mun leiða listann í komandi sveitarstjórnarkosningum. Karólína hlaut 317 atkvæði í 1. sæti. Annað sætið hlaut Árni Stefán Guðjónsson með í 361 atkvæði í 1. og 2. sæti.
„Mér er efst í huga mikið þakklæti til félagsfólks okkar í Hafnarfirði. Þetta hefur verið snörp en skemmtileg prófkjörsbarátta. Ég þakka Jón Inga fyrir drengilega baráttu,“ segir Karólína Helga. Úrslitin voru kynnt á fjölmennri kosningavöku á A. Hansen í kvöld.
„Nú getur Viðreisn í Hafnarfirði svo sannarlega brett upp ermar og farið í kröftuga sveitarstjórnarbaráttu í vor.“
Viðreisn hefur átt fulltrúa í bæjarstjórn Hafnarfjarðar frá árinu 2018, eða í tvö kjörtímabil.
Á kjörskrá voru 753 og var kjörsókn 82%.
Atkvæði fóru sem hér segir:
| Nafn | Atkvæði alls | 1. sæti | 2. sæti | Atkvæði 1-2 sæti | Hlutfall í fyrsta sæti | Hlutfall alls 1-2 | Sæti | |
| Karólína Helga Símonardóttir | 364 | 317 | 47 | 364 | 51,7 % | 59,4 % | 1 | |
| Árni Stefán Guðjónsson | 361 | 27 | 334 | 361 | 4,4 % | 58,9 % | 2 | |
| Jón Ingi Hákonarson | 279 | 259 | 20 | 279 | 42,3 % | 45,5 % | 3 | |
| Hjördís Lára Hlíðberg | 120 | 10 | 110 | 120 | 1,6 % | 19,6 % | 4 | |
| Greidd atkvæði | 613 | |||||||
| Auð atkvæði | 1 | 1 | ||||||
| 614 | ||||||||
| Kjörsókn | 82 % |