Viðreisn í Reykjavík

Rekstur og þjónustu

Við ætlum að halda áfram með ábyrga fjármálastjórn með því að hagræða í rekstri og viljum fækka ráðum, nefndum og sviðum. Við ætlum að halda áfram að lækka fasteignaskatta og  viljum ekki að Reykjavíkurborg standi í samkeppnisrekstri. Þess í stað viljum við að borgin auki einkarekstur með útboðum og selji eignir, eftir faglegt mat og með mjög skýrum leikreglum. Við ætlum að halda áfram að einfalda kerfið með því að taka stór skref í starfræna þjónustu.

Skóla sem efla börnin

Það á að vera raunverulegt val um alla grunnskóla. Því teljum við að það  eigi að vera frítt í alla grunnskóla, óháð rekstrarformi. Við viljum auka faglegt frelsi kennara og skóla og færa ákvarðanir sem næst nemendum. Þannig getum við bæði stuðlað að einstaklingsbundu námi og fært þjónustu við börn nær þeim. Við viljum að fimm ára börn fái frítt í leikskóla og teljum að sjálfstætt starfandi leikskólar séu lykillinn að því að brúa bilið. Betri samþætting skóla- og frístundastarfs bætir vinnudag barna.

Betri hverfi

Við ætlum að halda áfram metuppbyggingu íbúða sem hefur átt sér stað í Reykjavík undanfarin þrjú ár og skipuleggja lóðir fyrir 2.000 íbúðir á ári. Við viljum að það verði fljótlegra og ódýrara að byggja í Reykjavík og viljum fylgja ráðleggum OECD til að einfalda umgjörð byggingamála. Við viljum halda áfram að þétta byggð. Við viljum líka reisa ný hverfi í Skerjafirði, Ártúnshöfða, á Keldum og að í Vatnsmýri komi blönduð byggði í stað flugvallar.

Við ætlum að tryggja raunverulegt valfrelsi í samgöngum . Við viljum hraða uppbyggingu Borgarlínu og fjölga deilibílum og umhverfisvænum samgönguvalkostum. Við styðjum Sundabraut sem styttir leiðir fyrir alla samgöngumáta og tengir Kjalarnesið betur við Reykjavík. Með þéttari byggð í hverfum og góðum, fjölbreytum samgöngum á milli hverfa, verða til sterkari hverfiskjarnar með nærþjónustu og sjálfbær og lifandi hverfi.