09 maí Viðreisn vill heilsugæslu á Völlunum
Eitt af markmiðum okkar í Viðreisn er að Hafnfirðingar geti sótt sem mesta þjónstu í sínu nær umhverfi og með því að efla þá þjónustu þá erum við að gera hverfin að svokölluðum „5 mínútna hverfum“. En hvað er „5 mínútna hverfi“? Það eru hverfi þar sem íbúar þurfa ekki að fara í aðra bæjarhluta til þess að sækja þá grunnþjónustu sem þeim vantar og geti sótt hana í sínu hverfi á 5 mínútum.
Í dag þurfa t.d. íbúar Vallanna, Áslands og Skarðshlíðar að fara niður í miðbæ Hafnafjarðar til þess að komast á heilsugæslu, en því viljum við breyta. Við í Viðreisn viljum fá heilsugæslu byggða á Valla svæðinu og með henni teljum við okkur vera að tryggja íbúum þessara hverfa grunnþjónustu í 5 mínútna fjarlægð. En eigum við að segja staðar numið með byggingu heilsugæslu? Nei, við viljum meira. Við viljum að þessi bygging hafi tök á því að hýsa frekari heilbrigðisþjónustu sem nýtist öllum Hafnfirðingum t.d. sjúkraþjálfara, læknavakt, röntgen, barnalækna og aðra sérfræðilækna.
Íbúar Hafnafjarðar eiga aðeins það besta skilið og við í Viðreisn vitum það.
Betri hverfi, betri Hafnafjörður, meiri Viðreisn